Legjenda e futbollit gjerman, Franc Bekenbauer ka kritikuar lojën e paraqitur nga Holanda dhe Spanja në finalen e Botërorit 2010 në Johanesburg.
“Ndeshja finale duhej të ishte më e mira e Botërorit. Fatkeqësisht ajo u shndërrua në një anti-propagandë të futbollit”, ka shkruar Bekenbauer në kolonën e tij për të përditshmen gjermane “Bild” dhe më pas i ka dhënë argumentet e tij.
“Ndeshjes i mungoi shpejtësia. Në vend të kësaj, ajo ishte vazhdimisht e ndërprerë me protestat e futbollistëve dhe nga gjyqtari, i cili nuk e kishte pamjen e qartë të asaj që po ndodhte në fushë”, ka shtuar Bekenbauer. Ndërkohë ai nuk ka harruar të lavdërojë lojën e kombëtares gjermane në ndeshjen për vendin e tretë ndaj Uruguait.
“Ndeshja për medaljen e bronztë solli një skenar krejt të kundër me atë të finales: kishte sjellje shembullore të futbollistëve dhe lojë atraktive”.
Wed Jul 14, 2010 7:19 pm