“Çmendet” Perez, 30 milionë për talentin gjerman Mueller

Sulmuesi i kombëtares së Gjermanisë, Tomas Myller pas përfundimit të Botërorit në Afrikën e Jugut është gjendur në krye të listës së dëshirave të Real Madridit, klub i cili tashmë ia ka rezervuar një vend në mesin e ‘galaktikëve’.

Presidenti i klubit madrilen, Florentino Perez ka qenë i mahnitur me paraqitjet e futbollistit të ri gjerman dhe dëshiron që të gjitha mjetet e dedikuara për transferimin e Dagllas Maikonit nga Interi, t’i bart në transferimin e golashënuesit më të mirë të Botërorit në Afrikën e Jugut.

Në fakt, Perez është i gatshëm që për supertalentin gjerman t’i ofrojë Bajernit të Mynihut 30 milionë euro. Sulmuesi 20-vjeçar ka kontratë me bavarezët deri në vitin 2013 dhe pavarësisht përgënjeshtrimeve, mund të lërë Bavarinë për një klub si merengues.