Shvainshtajger, Khedira e Ozil, Murinjo i kërkon tek Real Madridi

Kombëtarja e Gjermanisë sipas shumë vlerësimeve ka lënë përshtypjen më të mirë në Botërorin e Afrikës së Jugut, ku në fund mori medaljen e bronztë në vendin e tretë.
Gjermania kishte një skuadër të përbërë me futbollistë të rinj dhe të talentuar, prandaj nuk befason fakti se futbollistët e kësaj kombëtareje janë më të kërkuarit në tregun evropian. Real Madridi është njëri nga klubet që financiarisht mund t’i bëjë ballë çmimeve të këtyre futbollistëve.
Mediat spanjolle kanë bërë të ditur se trajneri i ri i Realit, Hose Murinjo u ka thënë qartazi drejtuesve të klubit se dëshiron t’i ketë në skuadër tre futbollistët e kombëtares gjermane: Bastian Shvainshtajger, Sami Khedira dhe Mesut Ozil.
I pari është pjesë e Bajern Munihut, i dyti është tek Shtutgartit, ndërsa i treti i Verderit, por drejtuesit e Realit përveç obligimit për të filluar negociatat me drejtuesit e këtyre klubeve, duhet të fitojnë edhe betejën për këta futbollistë me klubet e tjera të interesuara. Mançester Junajted është i interesuar për Ozilin, Çelsi për dyshen Shvainshtajger-Kedira, kurse Arsenali për dyshen Ozil-Kedira.