Admin ADM
Postimet : 328 Regjistruar : 12/07/2010
| Titulli: Kroos: Champions, objektiv kryesor Wed Oct 03, 2012 4:50 pm | |
| Mesfushori me dhunti të shumta ka insistuar se bavarezët e tij duan ta sjellin në shtëpi trofen prestigjioz evropian për klube këtë sezon, pasi vetëm për pak e humbën në sezonin 2011-2012. Kujtojmë se bavarezët u mundën nga Celsi në finalen e edicionit të kaluar, por Toni Kros është i vendosur për ta korrigjuar shënjestrën këtë sezon. “Titulli i Ligës së Kampioneve është tepër i rëndësishëm për mua, aq i rëndësishëm sa është edhe titulli në Bundesligë, – tha Kros për “Kicker”. – Kur ke mbërritur deri në finale, aq afër trofeut, domosdo dëshiron të mbërrish atje përsëri. Ne kemi shtuar cilësonë në ekipin tonë për të siguruar që të mund të konkurrojmë në të gjitha garat, edhe në Ligën e Kampionëve. Do të bëjmë çmos për ta fituar Ligën e Kampionëve, ky është qëllimi ynë i vetëm. Ne duam trofe. Jemi shumë të motivuar për të shkuar përgjatë gjithë rrugës së këtij kompeticioni. Është e pamundur ta harrojmë finalen e humbur kundër Celsit, sepse kemi qenë aq afër trofeut, por kemi gabuar për fare pak. Humbja na shërben si një motivim për të bërë më të mirën këtë vit. Ne të gjithë duam të jemi finalistë në Uembli.” Bajerni i Mynihut mundi 2-1 Valencian në ndeshjen e parë të fazës në grupe të “Champions League”, ndërsa do të sfidojë Bate Borisov, të martën, në ndeshjen e dytë. | |
|