Podolski refuzon ofertën e Milan: Do qëndroj tek Këlni

Sulmuesi i kombëtares së Gjermanisë dhe i Këlnit, Lukas Podolski ka bërë të qartë se nuk i interesojnë ofertat nga klubet e ndryshme, pasi të ardhmen e tij e sheh vetëm te Këlni.
Pas paraqitjes në Botërorin e Afrikës së Jugut futbollistët gjermanë janë bërë mjaft objektiv i skuadrave të mëdha evropiane, kurse Podolski është njëri prej tyre, për të cilin ka shprehur interesim të madh sidomos Milani. Por, duket se Podolski nuk dëshiron të provojë një aventurë tjetër. “Me padurim pres të kthehem nga pushimi dhe të fillojë me intensitet të plotë përgatitjet për edicionin e ri. E di se ka shumë klube të interesuara për shërbimet e mia, por unë nuk mendoj aspak për largim: më intereson vetëm Këlni”, ka theksuar Podolski.