Admin ADM
Postimet : 328 Regjistruar : 12/07/2010
| Titulli: Michael Ballack var këpucët në gozhdë Wed Oct 03, 2012 4:49 pm | |
| Pas 570 ndeshjesh dhe 141 golash të shënuar në karrierë, Mikael Balak ka vendosur t’i thotë mjaft futbollit. Ish-kapiteni i Kombëtares së Gjermanisë ka zyrtarizuar dje tërheqjen e tij në moshën 36- vjeçare, pasi ka luajtur dy sezonet e tij të fundit me fanellën e Bajer Leverkusen. Në orët e fundit ishte përfolur për një mundësi transferimi në Australi, në radhët e Sidnej Uonderers, por pasi kjo marrëveshje nuk është konkretizuar për arsye ekonomike, atëherë mesfushori ka vendosur të varë këpucët në gozhdë. Në 16 vite karrierë, Mikael Balak ka grumbulluar tituj të shumtë. Palmaresi i tij ekspozon 4 tituj kampionë Gjermanie (1 me Kaizerslautern, 3 me Bajernin), 3 Kupa Gjermanie dhe 1 Kupë Lige (të gjitha me Bajernin), 3 Kupa Anglie, 1 Kupë Lige angleze, 1 Superkupë Anglie (Community Shield) dhe 1 Premier Ligë, trofe këta të gjithë me Çelsin. Balak ndërkohë është shpallur edhe tri herë futbollisti gjerman i vitit, 2002, 2003 e 2005. I vetmi peng i karrierës së Balakut është fitorja e Ligës së Kampioneve dhe asnjë trofe me përfaqësuesen gjermane, finalist në Botërorin 2006 me Italinë dhe në Evropianin 2008 me Spanjën, por në të dyja rastet doli me kokën ulur nga fusha. | |
|